Nepa Top
century-bank

क्रिश्चियन धर्म प्रचारक अाइएनजिअाेले कसरी किन्न सक्छ सरकार र नेताहरुलार्इ, याे सम्मेलनले बताउँछ !

  • राजेन्द्र तारकिणी

काठमाडाैँ‍ । एउटा विवादास्पद अन्तर्राष्ट्रिय गैर-सरकारी संस्थाले कसरी कुनै मुलुकका सरकार र नेताहरुलार्इ किन्न सक्छ भन्ने एउटा गतिलाे उदाहरण बनेकाे छ- एसिया प्यासिफिक सम्मिट २०१८ ।

क्रिश्चियन धर्मलार्इ नयाँ अावरणमा ‘गुलियाे’ बनाएर बेच्न खप्पिस दक्षिण काेरियाली नेता सन म्याे‌ङ्ग मुन (जसकाे सन् २०१२ मा निधन भइसकेकाे छ) ले एउटा स‌ंस्था खडा गरे । नाम दिए- युनिभर्सल पिस फेडेरेशन ! झट्ट हेर्दा याे कुनै विश्व शान्तिका लागि स्थापित ठुलै स‌ंस्था हाे, लाग्न सक्छ । मानाैँ कि अर्काे राष्ट्रस‌ंघ । हुन पनि यसका शाखा सञ्जाल नपुगेकाे कुनै महाद्वीप र द्वीप बाँकी छैन हाेला । तर भ्रममा नपर्नुहाेस्, याे कुनै अर्काे राष्ट्र संघ हाेइन । शान्ति तथा मेलमिलापका नाममा तीव्र सांस्कृतिक विखण्डीकरण गर्ने एक गैरसरकारी संस्था हाे ।

युनिभर्सल पिस फेडेरेसन (युपीएफ) की अर्की संस्थापक हुन्- डा हाक जा हान मुन । जाे डा‍‌ सन म्याेङ्ग मुनकी पत्नी हुन्, जसले ‘युनिफिकेशन चर्च’काे नेतृत्व गर्दै अाएकी छिन् । उनी यस सम्मेलनकी सबैभन्दा महान् माताकाे रुपमा नेपाल अाएकी छिन् । उनै चर्चकी ‘मदर’बाट नेपालका प्रधानमन्त्री केपी अाेली दम्पत्ति र विभिन्न टापु राष्ट्रबाट अाएका सरकार/राष्ट्रप्रमुख लगायत ४ हजार जाेडीहरुले ‘अाशीर्वाद’ थाप्दै छन् । जसमा नेपालका मात्रै १५ सय ‘विशिष्ट’हरुकाे जोडी हुने सम्मेलनकै प्रेस संयाेजकले जानकारी दिएका छन् ।

धार्मिक ‘रीत’ पुर्याएर आशीर्वाद दिनुअघि प्रधानमन्त्री ओलीलाई चर्चकी ती गुरुआमाले ‘नेतृत्व तथा सुशासन पुरस्कार’ प्रदान गर्ने जनाइएकाे छ । अाशीर्वाद ग्रहण गरेपछि उनीहरु सबैलार्इ युपीएफले मुन परिवार अर्थात् अाफ्नै संस्थाका सदस्यका रुपमा मान्यता दिने बताइन्छ । वर्षमा यस्ता अाशीर्वाद दिने सानाठूला सयाैँ कार्यक्रमहरु युपीएफले गर्दै अाएकाे छ ।

Image may contain: 5 people, people smiling, people standing

संसारमा सबैभन्दा तीव्र रुपले सांस्कृतिक विचलन भाेग्दै इसाइकरण भएकाे राष्ट्रकाे रुपमा दक्षिण काेरियाकाे नाम लिने गरिन्छ । तपार्इ-हाम्रै दैलाेमा इसाइ धर्मकाे व्याख्यान लाउँदै एकाबिहानै तिनै काेरियाली नागरिक सहितका व्यक्ति छ्यापछ्याप्ती अाउने गरेकाे देख्नुभएकै हाेला । यहाँ विराेध धर्मकाे हाेइन, प्रवृत्तिकाे हाे । धर्म प्रचार संविधानले नै गैरकानुनी मानिसकेकाे छ ।

नेपालका पूर्वप्रधानमन्त्रीदेखि अन्य वरिष्ठ नेताहरुसम्मलार्इ युपीएफले निकैपटक काेरिया लगायतका देशमा घुमाएर ‘गुन’ लाइसकेकाे छ । यसकाे जस पूर्वमन्त्री एकनाथ ढकाललार्इ जान्छ । जाे परिवार दल नामक राजनीतिक पार्टी खाेलेर पहिलाे सं‍विधानसभामा समानुपातिकबाट सभासद भएपछि बढी चर्चामा अाउन थालेका हुन् । जसले पूर्व प्रधानमन्त्री माधव कुमार नेपाल, डा बाबुराम भट्टरार्इदेखि वर्तमान प्रधानमन्त्री केपी शर्मा अाेलीसम्मलार्इ प्रभावित पारेर अाफ्नाे ‘स्वार्थ’ पूरा गर्न निरन्तर सफल हुँदै अाएका छन् । पछिल्लाे समय उनी युपीएफकाे नेपाल च्याप्टरका प्रमुख रहिअाएका छन् ।

सरकार निरीह कि अाइएनजिअाे बलिया ?

जब स‌ंविधानसभाकाे मुद्दाले सार्थकता पाउँदै अायाे त्यति नै बेलादेखि विभिन्न एनजिअाे, अाइएनजिअाेका नाममा इसाइ धर्मकाे व्यापार फस्टायाे । मुलुकलार्इ २०६३ काे अन्तरिम स‌ंविधानले नै ‘धर्मनिरपेक्ष’ राज्य घाेषणा गरेकाे थियाे । यसकाे फाइदा इसाइ मिसनरीहरुलार्इ पुगेकाे जानकारहरु बताउँदै अाएका छन् । स्वेच्छाले धर्म मान्नु स्वभाविक भए पनि प्रलाेभनमा पारेर धर्मान्तर तथा सांस्कृतिक विचलन ल्याउनु गैरकानुनी कार्य हाे । हेक्का राख्नै पर्ने कुरा- समाज सेवाकाे नाममा छिरेर तिनीहरुले समाजमा सांस्कृतिक विचलन र धर्मान्तरणकाे धन्दा चलाउँदै अाए । यहाँ अालाेचना व्यक्तिकाे पनि हाेइन, एउटा गैरसरकारी संस्थाका लागि राज्य हात धाेएर लागेकाे छ, त्यस प्रवृत्तिकाे हाे ।

कार्यक्रमको एक सय एक सदस्यीय आमन्त्रण समितिका अध्यक्ष पूर्वप्रधानमन्त्री माधवकुमार नेपाल रहेका छन् । नेकपाका नेता समेत रहेका नेपाल अाफैँमा विवादास्पद व्यक्ति हुन् । स्वार्थका लागि जे पनि गर्न तम्सिने नेता नेपाल युपीएफ अन्तरगतकै सानाठूला कार्यक्रममा विगतदेखि नै देखिँदै अाएका छन् । सबैभन्दा बढी विदेश गइरहने नेताकाे छवि बनाएका नेपाललार्इ युपीएफले नै कैयाैँपटक काेरिया र अन्य देशकाे भ्रमण मिलाइदिएकाे छ ।

भन्नलार्इ कम्युनिष्ट भनिए पनि वर्तमान सत्ताधारी नेकपाका नेताहरुमा तीव्र विराेधाभासी चरित्र देखिइरहेका छन् । एकातिर हिन्दू धार्मिक मठमन्दिरमा पूजाअाजा र बलि समेत दिन पछि परेका छैनन् भने अर्कातिर धार्मिक उद्देश्यकै लागि अायाेजित यस्ता सम्मेलनका अ‌ंग बनेका छन् । जबकि धर्मनिरपेक्ष भनेपछि राज्यकाे कार्यकारी प्रमुखकाे धार्मिक पक्षधरता वा संलग्नता अालाेचनाकाे घेरामा पर्नु स्वाभाविक हाे । विशुद्ध धर्म प्रचारकाे उद्देश्यले अायाेजित सम्मेलनमा सरकार नै सह-अायाेजक हुनु (अालाेचनापछि सपाेर्टर मात्र भनिएकाे छ) सामान्य विषय हाेइन, जहाँ कूटनीतिक दायरा समेत सरकारले उल्लंघन गरेकाे छ । याे सम्मेलन सरकार स्वय‌ंले अायाेजना गरेका यसअघिका बिमस्टेक र सार्क शिखर सम्मेलनभन्दा ठूलाे देखिएकाे छ । जहाँ  करिब ४५ देशका सरकारी प्रतिनिधि तथा धार्मिक अगुवासहितका व्यक्ति अाएका छन् ।

asia pacific summit 2018 nepalको लागि तस्बिर परिणाम

युपीएफ अाफैमा विवादित संस्था पनि हाे । यति विवादित सम्मेलन अन्त नभर्इ नेपालमै हुनु र यहाँ सरकारले नै ठूलाे महत्व दिएर उल्टै बजेट छुट्याउनु सरकारकाे लाचारीपना हाे या दबाव ? कतै याे सत्तासीन व्यक्तिहरुकाे व्यक्तिगत लाभका उद्देश्यले प्रेरित त छैन ?  सर्वत्र अाश‌ंका, चासाे र बहसकाे विषय बनेकाे छ याे ।

सम्मेलनमा हाक जा हानलार्इ ‘जेससकी एक मात्र सच्चा छाेरी’ घाेषणा गर्न लागिएकाे बताइएकाे छ, जुन कार्यक्रम यसअघि फिजीमा पनि गर्न लागिएकाेमा त्यहाँकाे सरकारले अनुमति नदिएपछि नेपालमा टार्गेट बनाएकाे बताइन्छ । पूर्वराजदूत मधुरमण आचार्यको भनाइमा विवादित सम्मेलन नेपालमै आयोजना हुनुमा यहाँकाे ‘सजिलोपन’ नै मुख्य कारण हाे किनभने हाम्राे राज्यशक्तिमा भएकाहरूलाई ‘रिझाउन’ धेरै कसरत गर्नुपर्दैन । हुन पनि कुनै सानाेतिनाे लाभका अवसरमा समेत बिक्न सक्ने नेताहरूले देश चलाइरहेका छन् । यसकाे उदाहरणका रुपमा यही युपीएफ स‌ंस्थाकाे पहलमा विभिन्न नेताहरु बेलाबेला कोरियालगायत विदेश भ्रमणमा गइरहनुलार्इ लिन सकिन्छ ।

बिम्स्टेक र सार्क शिखर सम्मेलनपश्चात ४ दिनसम्म सडक यात्रुलार्इ सास्ती हुनेगरी सवारी अावागमनमा जाेर-विजाेर प्रणाली लागू गरेकाे याे पहिलाे अनाैठाे घटना हाे, जसमा अाम सर्वसाधारण नै जानकार छैनन् कि कुन विशिष्ठ महत्वकाे सम्मेलन नेपालमा भइरहेकाे छ ? विशिष्ट पाहुनाका लागि भनेर बेलाबेला हवार्इ अावागमन समेत प्रभावित भइरहेकाे छ । जानकाहरुले भने सरकारकाे याे लाचारीपनाकाे चर्काे विराेध र अालाेचना गरिरहेका छन् ।

सामाजिक सञ्जालभरि याे सम्मेलनकाे उपादेयता खाेज्दै सरकार, त्यसमा संलग्न नेताहरु र स्वय‌ं अायाेजक संस्थाकै समेत तीव्र अालाेचना गरिरहेका छन् । सम्मेलनकै लागि ३१ कराेड बजेट नेपाल सरकारसँग माग भएकाे कुरा बाहिर अाएकाे छ जसमध्ये २ कराेड विनियाेजन नै भइसकेकाे बताइन्छ । यद्यपि सम्मेलनमा २० कराेड खर्च हुने र साे सबै खर्च युपीएफकाे अमेरिकास्थित सचिवालयले बेहाेर्ने त्यसका नेपाल प्रमुख एकनाथले बताएका छन् ।

चाैतर्फी विराेध र अालाेचना भएपछि सरकारले ४ दिनका लागि तय गरेकाे सवारी अावागमनमा लगाइएकाे जाेर-बिजाेर प्रणाली भने अाजै साढे ११ बजेबाट हटाउने निर्णय गरेकाे छ । नागरिककाे भावना ढिलै भए पनि सरकारले बुझेछ ।

काे हुन् मुन दम्पत्ति, के हाे युपीएफ ?

अाफूलार्इ क्राइस्टपछिका परमेश्वरका अवतारकाे रुपमा दाबी गर्दै अाएका डा सन म्याेङ्ग मुन र उनकी पत्नी डा हाक जा हान मुन काेरियन नागरिक हुन् ।  जिसस क्राइष्टले पूरा गर्न नसकेको दायित्व पूरा गर्नकै लागि अाफूलार्इ पृथ्वीमा खटाएकाे दाबी उनीहरुले गर्छन् । युपीएफका भक्तहरुले डा मुनलार्इ ‘फादर मुन’ भन्छन् भने युनिफिकेशन चर्चकी प्रमुख हाक जा हानलार्इ ‘सबैकी अामा’ वा ‘जिसस (गड) की एक मात्र जीवित सच्चा छाेरी’ जस्ता विशेषण भिराइदिएका छन् ।

सम्बन्धित छवि

मुनले आफूलाई ‘मसिहा’ घोषणा गर्दै सन् २००५ मा युपीएफकाे स्थापना गरेका थिए । सन् २०१२ मा मुनको निधनपछि उनकी पत्नी हानले यूपीएफको नेतृत्व गर्दै अाएकी छिन् । उनी साे संस्थाकी ‘धर्मगुरु’ हुन्, जसले आफूलाई ईश्वरकै अवतारका रुपमा दाबी गर्दै अाएकी छन् ।

४० वर्षका मुनले सन् १९६३ मा अाफूभन्दा २३ वर्ष कान्छी हानसँग विवाह गरेका थिए । यी दम्पती र उनका एजेन्टहरुले सामूहिक रूपमा विश्वभरका दम्पतीहरूलाई वैवाहिक प्रतिबद्धताका नाममा अाफ्नाे धार्मिक रीति र मन्त्रअनुसार ‘आशीर्वाद’ दिँदै आएकाे पाइन्छ । साथै चिट्ठा प्रणालीद्वारा केटा र केटीबीच सामूहिक विवाह समेत गराउँदै अाएकाे पाइन्छ, जसलार्इ उनीहरु ‘परमेश्वरले जुराइदिएकाे जाेडी’का रुपमा अर्थ्याउँछन् ।

नेपालमा पनि युनिभर्सल पिस फेडेरेसन-नेपाल तथा विश्व परिवार महासंघ-नेपाल क्रियाशील रही जिल्लाजिल्लामा गतिविधि गर्दै अाएकाे छ । यस प्रकारका कार्यक्रम नेपालका स्थानीय तहहरुसम्मै विस्तार गरेर वर्षैपिच्छे अायाेजना हुने गरेका छन् । ‘पवित्र’ जल छर्केर आशीर्वाद लिएपछि दम्पतीबीचकाे सम्बन्ध अटुट बन्ने र सबै ‘पाप’बाट मुक्त भइने विश्वास दिलाउने गरिएकाे छ । यसरी अाशीर्वाद लिएर पापमुक्त भएका जोडीबाट जन्मिने सन्तान पृथ्वीमा ‘शान्तिदूत’ हुने अास्वासन दिइन्छ । बेलाबेला भइरहने यस्ता कार्यक्रमैपिच्छे समाजका केही युवा र पेशाकर्मीलार्इ समेत बाेलाएर ‘शान्तिदूत’काे सम्मान र प्रमाण दिने र पछि देश-विदेशका सम्मेलनहरुमा लैजाने गरिन्छ । जसबाट यस संस्थाकाे सञ्जाल व्यापक रुपमा नजानिँदाे ढंगले फैलँदै र बलियाे हुँदै गएकाे देखिन्छ ।

यूपीएफ नेपालका संस्थापक अध्यक्ष काठमाडौं विश्वविद्यालयका पूर्वउपकुलपति डा. सुरेशराज शर्मा हुन् । उनले सन् २००५ देखि २०१३ सम्म संस्थालाई नेतृत्व गरे । त्यसपछि स‌ंस्थाकाे नेतृत्व गर्दै अाएका छन् एकनाथ ढकालले ।

Image may contain: 1 person, smiling, suit and indoor

ढकालले दुवैपटकका संविधान सभा निर्वाचनमा सहभागी हुँदै दुर्इपटक समानुपातिक काेटाबाट सभासद् बन्न पुगे । उनी दुवैपटक मन्त्रीसमेत भएका छन् । ढकालले पछिल्लाे संघीय निर्वाचनमा तत्कालीन एमाले-माअाेवादी गठबन्धनका लागि भाेट मागेर ‘गुन’ लगाएका थिए । प्रत्यक्षबाट अाफूले जित्न नसके पनि समानुपातिकबाट सा‌ंसद बन्ने उनकाे धाेकाे थियाे, तर गठबन्धनले उनलार्इ भाग दिन सकेन ।

सामाजिक सञ्जालमा कसले के भने ?

पत्रकार एवं लेखक विजय कुमारले निकै घतलाग्दाे व्य‌ंग्य गरेका छन्- ‘चाँदीको जु्त्ताले हानेर-एकनाथले-पशुपतिनाथलाइ-उनकै नगरमा दिउसै तारा देखाउदैछन। हुनत,आफुलाइ बेच्न सडकमा उभिएको समाजलाइ लैजान जस्ले बोली लगाए पनि भो। एनजिओको ‘हरियो टिका’ थाप्न महान राष्ट्रवादी समाजका गन्यमान्य नेताजीहरु बिहानै देखि लाइन बसौँ।’

लेखक खगेन्द्र संग्राैला भन्छन्-


पूर्व प्रधानमन्त्री डा बाबुराम भन्छन्-

राप्रपा अध्यक्ष भन्छन्-

विवेकशील साझाका रविन्द्र मिश्र-


अन्य कसले के भने –

सम्बन्धित-

एशिया प्यासिफिक सम्मेलनका विशिष्ठ पाहुनाको पृष्ठभूमि पनि विवादित

एशिया प्यासिफिक सम्मेलन : तथ्य र प्रमाणले भन्छ- उद्देश्य धर्म प्रचार नै

‘अाइएनजिअाेभन्दा कमजाेर किन भयाे सरकार, क्रिश्चियन धर्म प्रचार सम्मेलनमा सरकार सहआयोजक हुनु दु:खद’

आइएनजीको कार्यक्रममा सरकारकाे कराेडाैँ लगानी, नागरिक मञ्चद्वारा विरोध

युपीएफ सम्मेलन : पूर्वप्रधानमन्त्री नै अामन्त्रक, सरकारसँग कराेडाैँ माग, हटेन नेपाल सरकार र स‌ंसदकाे लाेगाे





Nepal Broadcasting Channel
Panipokhari, Maharajgunj, Kathmandu, Nepal
सूचना तथा प्रशारण विभाग दर्ता नं. : ७१८ - २०७४ /०७५
सम्पादक : मुकुन्द दाहाल
Phone : 014446199
Fax : 4002655
Email : [email protected]