Nepa Top
century-bank

पोर्तुगलको कृषिमा ५० जना बढी सवार ट्याक्टर दुर्घटना – कयौ नेपाली घाइते , एकको अवस्था चिन्ताजनक

पोर्तुगलको कृषि कार्यमा ५० जना बढी काममा जाने सिलसिलामा भएको ट्याक्टर दुर्घटना परी कयौ नेपालीहरु घाइते भएका छन् भने एक जना नेपाली अचेत र चिन्ताजनक अवस्थामा छन्। सोमबार घटेको सो घटना आज मात्रै सार्वजनिक गरिएको खबर प्राप्त भएको छ ।

दाङ घर भइ हाल कम्पोर्टा, अलेन्तेजु, बेजा बस्दै आएका लोकेन्द्रबहादुर पुनमगर साथीहरुसंगै काममा पहिलो दिन जाने सिलसिलामा द्रुतगतिमा कुदिरहेका कम्पनीकै ट्याक्टर दुर्घटना हुदा गम्भीर घाइते हुनुका साथै ३ दिनदेखि अस्पतालमै अचेत अवस्थामै छन्। उनका शरीरका धेरै भागका हड्डीहरु टुटेको र अप्रेशन गरी खुट्टा र अन्य भागमा स्टिल रड राखिएको बुझिएको छ। अन्य घाइतेहरुको अवस्था सामान्य भएकोले उपचार पश्चात घर फर्किएको खबर छ ।

ट्याक्टरमा पचास जनाभन्दा बढी गरी अत्याधिक यात्रु कोचिनु र द्रुत गतिमा ट्याक्टर हाक्नु नै दुर्घटनाको कारण भएको प्रारम्भिक अनुसन्धानबाट बुझिएको छ।

घाइते पुनमगरको अहिले शान्तिआगो स्थानीय अस्पताल बेजामा उपचार भइरहेको छ । घटनाको खबर बाहिर आएपछि स्थिति बुझ्न एनआरएनए पोर्तुगलका वरिष्ठ उपाध्यक्ष तिलक गैरेको नेतृत्वमा एक टोली अस्पताल पुग्दा घाइते पुनमगर तिनदिनदेखि आइसियुमा अचेत अवस्थामा रहेको र अवस्था चिन्ताजनक भएकोले अस्पताल श्रोतले बिमारीको फोटो खिच्न नदिएको र निजको अवस्थाको बारेमा बिस्तृत जानकारी बाहिर ल्याउन अझै एक हप्ता लाग्नसक्ने उपचारमा संलग्न चिकित्सकहरुले बताएको जानकारी दिएका छन्।







Nepal Broadcasting Channel
Panipokhari, Maharajgunj, Kathmandu, Nepal
सूचना तथा प्रशारण विभाग दर्ता नं. : ७१८ - २०७४ /०७५
सम्पादक : मुकुन्द दाहाल
Phone : 014446199
Fax : 4002655
Email : [email protected]