Nepa Top
century-bank

१६ वर्षीया किशोरीमाथि सामुहिक बलात्कार, घटनास्थलबाट ४ थान कण्डम र फुटेको चुरा बरादम

बुटवल, २५ असोज । कन्चनपुरकी १३ वर्षीया निर्मला पन्तको बलात्कारपछि निर्मम हत्या भएको दुई महिना भन्दा बढी भइसकेको छ । तर अझैं पनि सक्कली दोषी पत्ता लागेको छैन । करिब दुई महिना यता कयौं निर्मला पन्तहरु बलात्कारको शिकार बन्न पुगेका छन्, भने कैयौंले आफ्नो ज्यानसमेत घुमाएका छन् ।

यसैक्रमा बुटवलस्थित शिवनगर जंगलमा अर्की एक १६ वर्षीया किशोरी सामुहिक बलात्कारको शिकार भएकी छन् । देवदह नगरपालिका वडा नं. १० स्थित चरंगेमा मंगलबार बेलुका ८ बजेको समयमा बलात्कार भएको हो । बलात्कारको आरोपमा २ जना पक्राउ परेका छन् ।

पीडित किशोरीको जाहेरीको आधारमा देवदह नगरपालिका १० का ३५ वर्षीय उदय थापा र बुटवल उपमहानगरपालिका ७ का २६ वर्षीय कृष्ण थापालाई प्रहरी पक्राउ गरेको हो ।

बुटवलमा चलिरहेको मेला घुमेपछि नजिकै रहेको शिवनगर जंगलमा मोटरसाइकलमा प¥याएर सामुहिक बलात्कार गरेको पीडित किशोरीको जाहेरी छ ।

घटनास्थलबाट ४ थान कण्डम, फुटेका चुरा समेत बरादम भएको जिल्ला प्रहरी कार्यालय रुपन्देहीका प्रहरी उपरीक्षक हृदय थापाले बताए ।

घटनामा अन्यको पनि संलग्नता हुनसक्ने इलाका प्रहरी कार्यालय बुटवलका प्रहरी नायब उपरिक्षक डिलबहादुर मल्लले बताए ।







 

Nepal Braodcasting Channel
Panipokhari, Maharajgunj, Kathmandu, Nepal
सूचना तथा प्रशारण विभाग दर्ता नं. : ७१८ - २०७४ /०७५
सम्पादक : मुकुन्द दाहाल
Phone : 014446199
Fax : 4002655
Email : [email protected]