Nepa Top
century-bank

पल शाहसँग बुगीबुगी विजेता कबिताको पहिलो म्युजिक भिडियो सार्वजनिक (भिडियोसहित)

काठमाडौं । गायक राज खम्बुको नयाँ म्युजिक भिडियोको सार्वजनिक भएको छ । केही समय अगाडी सम्पन्न भएको बुगीवगीका विजेता कबिता नेपाली र चर्चित अभिनेता पल शाह फिचरिङ ‘यही त होला माया’ बोलको पहिलो म्युजिक भिडियो सार्वजनिक भएको हो ।

बुगीवगीको विजेता बनेपछि कबिताको यो पहिलो म्युजिक भिडियो हो । सार्वजनिक गीतमा एकनारायण भण्डारीको शब्द तथा आशिष अविरलको संगीत रहेको छ । गीतको एरेञ्ज प्रदिप श्रेयठले गरेका हुन्, भने मिक्सिङ किश्वर थापाको रहेको छ ।

भिडियो –

डान्सिङ जनरामा बनेको म्युजिक भिडियोमा कविता नेपालीको एक फ्यानको भूमिकामा चर्चित अभिनेता पल शाहलाई देख्न सकिन्छ । म्युजिक भिडियोमा अभिनेता पल शाह र कबिताको जोडी जमेको छ । पल र कबिताको जोडीलाई भिडियोमा उतार्ने काम भने चर्चित भिडियो सम्पादक तथा निर्देशक टेकेन्द्र शाहले गरेका छन् । पहिलो म्युजिक भिडियो भएपनि कबिताको काम उत्कृष्ट देखिएको छ । म्युजिक भिडियोमा पल र कबिताको रामान्स सहितको डान्स देख्न सकिन्छ ।

विशाल चौतारी मिडिया प्रा.लीको युट्युब च्यानलबाट सार्वजनिक भएको म्युजिक भिडियोमा प्रशान्त तामाङको कोरियोग्राफी रहेको छ, भने राम कुमार केसीको सिनेमाटोग्राफी रहेको छ । भिडियोको सम्पादन भने निर्देशक स्वयम् टेकेन्द्रले गरेका हुन् ।

गायक राज खम्बुको यो गीत ‘मत तिम्रो’एल्बममा समावेश रहनेछ । गायक खम्बुको पहिलो एल्बम १० वर्ष अगाडी ‘चिनो’ बजारमा आएको थियो । दोस्रो एल्बम ‘मत तिम्रो’को प्रस्तुतिकर्ता स्वर्गीय अन्सु राई हुन् । दोस्रो एल्बमको बारेमा बोल्दै गायक राज खम्बुले भने ‘ मेरो दोस्रो एल्बम जुनमा रिलिज हुन लागेको थियो, तर मेरो श्रीमती बित्नुभएको कारणले रिलिज हुन सकेन । अब यो एल्बम मेरो श्रीमतीको वार्षिकीमा रिरिज हुँदैछ’, गायक राज खम्बुले बताए ।

tensberg

 

Nepal Braodcasting Channel
Panipokhari, Maharajung, Kathmandu, Nepal
Phone : 014446119
Fax : 4002655
Email : [email protected]