Nepa Top
century-bank

कुनै पनि बहाना बनाएर सरकारलाई ‘असफल’ हुने छुट नरहेको प्रवक्ता नारायणकाजी श्रेष्ठको भनाई

नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठले कुनै पनि बहाना बनाएर सरकारलाई ‘असफल’ हुने छुट नरहेको बताउनु भएको छ । न्यूज–२४ टेलिभिजनको प्रभातकालिन प्रस्तुती कार्यक्रम ‘६ प्रश्न’मा आज कुरा गर्दै प्रवक्ता श्रेष्ठले राष्ट्रिय,अन्तर्राष्ट्रिय रुपमा बढ्दै गएको ‘घेरावन्दी’लाई बहाना बनाएर सरकार उम्कन नपाउने स्पष्ट पार्नुभएको हो । सरकार कानून बनाउन र थिती बसाल्न क्रियाशिल रहेका कारण जनजीविकाका मुद्दा ओझेलमा परेको हो कि भन्ने नागरिकको चिन्ता स्वभाविक रहेको भन्दै उहाँले ‘झिनामसिना’ काममा नअल्झिई मूल उद्देश्यमा केन्द्रित हुन मन्त्रीहरुलाई सुझाव पनि दिनुभयो ।

फरक प्रसंगमा प्रवक्ता श्रेष्ठले भदौ १५ भित्र नेकपाका प्रदेश, जिल्ला र स्थानीय कमिटीसहित जनबर्गीय संगठनको समायोजन सकिने दावी पनि गर्नुभयो । प्रतिशतका आधारमा भागवण्डा गरेर कमिटीहरु पुनःगठन नहुने जनाउनु भएका श्रेष्ठले जनआधार र नेतृत्व क्षमताका आधारमा कार्यकारी पदहरु समायोजन गरिने स्पष्ट पनि पार्नुभयो ।

अर्को प्रसंगमा श्रेष्ठले आफूले प्रवक्ताबाट राजीनामा दिए पनि पार्टीले निर्णय नगरेका कारण आफू पूर्ववत् जिम्मेवारीमै रहेको बताउनु भयो । आफ्नो राजनीनामालाई पार्टीमा बेमेल बढ्दै गएको भन्नेरुपमा प्रचार गरिएकाप्रति दुःख व्यक्त गर्नुभएका श्रेष्ठले नेकपाको सैद्धान्तिक र व्यवहारिक एकता कसैले पनि हल्लाउन नसक्ने दावी पनि गर्नुभयो ।

tensberg

 

Nepal Braodcasting Channel
Panipokhari, Maharajung, Kathmandu, Nepal
Phone : 014446119
Fax : 4002655
Email : [email protected]