Nepa Top
century-bank

प्रधानन्यायाधीशका लागि सिफारिस न्यायाधीश दीपकराज जोशीमाथिको सुनुवाईका लागि सुनुवाई समितिद्वारा उजुरी आव्हान

काठमाडौं । संसदीय सुनुवाई समितिले संवैधानिक परिषदले प्रधानन्यायाधीशका लागि सिफारिस गरेका न्यायाधीश दीपकराज जोशीमाथिको सुनुवाईका लागि उजुरी आह्वान गरेको छ ।

आज बसेको संसदीय सुनुवाई समितिको बैठकले उपसमितिले तयार पारेको कार्यविधि पारित गर्दै प्रस्तावित प्रधानन्यायाधीश जोशीको सुनुवाईको लागि उजुरी आह्वान गरेको हो ।

प्रस्तावित व्यक्ति संवैधानिक पदका लागि सही भए नभएको बारेमा समितिले सुनुवाई पूर्व उजुरीका लागि आह्वान गर्ने गर्दछ । १० दिनको समयसीमामा आएका उजुरीमाथि छलफल गरेर जोशीको नाम समितिले अनुमोदन गर्नेछ ।

संसदीय सुनुवाई विशेष समितिले अनुमोदन गरेपछि मात्रै प्रधानन्यायाधीशमा सिफारिस जोशीलाई राष्ट्रपतिले नियुक्त गर्ने संवैधानिक व्यवस्था छ ।







Nepal Broadcasting Channel
Panipokhari, Maharajgunj, Kathmandu, Nepal
सूचना तथा प्रशारण विभाग दर्ता नं. : ७१८ - २०७४ /०७५
सम्पादक : मुकुन्द दाहाल
Phone : 014446199
Fax : 4002655
Email : [email protected]