Nepa Top
century-bank

गाउँभरी साठी लाख ठगी महिला बेपत्ता

गाउँभरी ऋण उठाएर छिमेकी महिला वेपत्ता भएपछि सप्तरीको खडक नगरपालिका–१०, इनरुवा फुलवरियाका महिलाहरु यतिवेला समस्यामा छन् । फरार महिलालाई पक्राउ गरी कारवाही गर्न र पैसा असुल गरिदिन आग्रह गर्दै प्रहरी÷प्रशासन धाउनु उनीहरुको दैनिकी वनेको छ ।

पति विदेश गएपछि छोराको पढाई र घर खर्च अभाव भएको भन्दै स्थानीय हेमनारायण चौधरीकी पत्नि रामपरिदेवीले गाउँका महिलाहरुसँग घरलौरी ऋण उठाएर वेपत्ता भएको पीडितहरुको गुनासो छ ।

छोरा इन्द्रनारायणको पढाईका लागि भन्दै रामपरीले रकम संकलन गरेको उनीहरुको भनाई छ । रामपरीका दुई भाई छोरा मध्ये इन्द्रनारायण भारतको वेङ्लौर र ध्रवु राजविराजमा अध्ययनरत छन् ।

वेपत्ता रामपरी विरुद्ध गाउँका करिव ४० जना महिलाले ईलाका प्रहरी कार्यालय कल्याणपुरमा उजुरी दर्ता गराएका छन् । ब्यवहारीक कठिनाई देखाएर ठगि गरेको उल्लेख गर्दै दर्ता गराईएको उजुरीमा रामपरीले हरेक महिलासँग ६ हजारदेखि ६ लाख २९ सम्म ऋण उठाई करिव ६० लाख रकम जम्मा गरेर वेपत्ता भएको उल्लेख छ । यो समाचार आजको नेपाल समाचारपत्रमा छापिएको छ ।







Nepal Broadcasting Channel
Panipokhari, Maharajgunj, Kathmandu, Nepal
सूचना तथा प्रशारण विभाग दर्ता नं. : ७१८ - २०७४ /०७५
सम्पादक : मुकुन्द दाहाल
Phone : 014446199
Fax : 4002655
Email : [email protected]