Nepa Top
century-bank

ब्ल्याकमेल गर्ने पत्रकार घुससहित रंगेहात पक्राउ, २० हजार घुस नपाउँदा सवारी दर्ता रद्ध ! (भिडियोसहित)

गृहमन्त्री रामबहादुर थापाको स्पीड तारिफ योग्य छ । हुन त निर्माण व्यवसायीहरुले उहाँलाई जंगबहादुरको संज्ञा दिइरहेका छन् तर सुशासन आउँछ, गुण्डागर्दी ठेगान लाग्छ, सिण्डिकेट तोडिन्छ, भ्रष्टाचार घट्छ भने जंगबहादुर त के हिटलर नै भएपनि जनतालाई खासै मतलब छैन ।

चर्को मुल्यबृृद्धी, खाद्यान्नमा मिसावट, असुविधाजनक सार्वजनिक सवारी, सुस्त ग्राहक सेवा, वैदेशीक रोजगारीमा ठगी, ठेक्का पट्टामा घोटाला, अपराध र गुण्डागर्दी चर्को बैैंक र सहकारीको व्याजदर, खाल्डै खाल्डा भएका धराप जस्ता बाटा घाटा, कहिले समयमा नउड्ने हवाई यात्रा जस्ता सयौँ सयौँ समस्या समाधान गर्न यहाँ बिकासमुखि जंगबहादुर र बिकास मुखि हिटलर नै बन्नु पर्छ ।

आफ्नो घरबार बन्दकी राख्ने साना तिनो व्यापार गर्न खोज्यो टोलको एउटा निकम्मा आवारा ४ जना लफंगा बोकेर तर्साउन आउँछ । आफ्नो घर खेत राखेर व्यापार गर्नु छ त्यो लफंगाालाई किन पैसा खुवाउनु ? जोगाई देलाकी भनेर पुलीसको शरणमा गयो प्रहरीको मुल्य गुण्डाको भन्दा चर्को । यस्तो खुलेआम अराजकता रोक्न कडा भन्दा स्टेप चाल्नु पर्दैन ?

अर्को कुरा, अख्तियार दुरुपयोग अनुशन्धान आयोगलाई पावर नदिएको कि म्यानपावर नदिएको ? विकसित देशहरुमा यो अख्तियारको दुरुपयोग एकदमै कम हुन्छ त्यसैले थोरै म्यानपवार भए पुग्छ । यहाँ त हरएक क्षेत्रमा घुसखोरी चल्छ । जो सँग जे छ त्यसले त्यही बेचेर खान्छ ।

लाइसेन्स बनाउने विभागले लाइसेन्समा नै खान्छ, विजुली अड्डाले विजुलीमै खान्छ, मालपोतको जीम्मेवारी पाएकोले मालपोतमै खान्छ, श्रमको ले श्रममै खान्छ, प्रशासनिक निकायले त्यसैमा खान्छ, नापीले नाप्दा नाप्दै खान्छ । भन्सारको जिम्मा लिएकोले भन्सारमै खान्छ, ठेक्का पट्टा पाउनेले रोडा, गिट्टी बालुवा, सिमेन्ट अलकत्रा समेत केही केही नछोडी खान्छ, खानेपानी, ढल मल कोही केही छोड्दैनन्, सबका सब खान्छन् ।







 

Nepal Braodcasting Channel
Panipokhari, Maharajgunj, Kathmandu, Nepal
सूचना तथा प्रशारण विभाग दर्ता नं. : ७१८ - २०७४ /०७५
सम्पादक : मुकुन्द दाहाल
Phone : 014446199
Fax : 4002655
Email : [email protected]