Nepa Top
century-bank

खरले छाएको दुईतले घरमा आगलागी, १५ लाखको क्षति

दमौली : तनहुँको म्याग्दे गाउँपालिका– ६ गाउँस्वारास्थित तोपबहादुर शाहीको घरमा आज विद्युत् चुहिएर आगलागी हुँदा रु १५ लाख बराबरको क्षति भएको छ ।

शाहीको ढुंगा माटोले बनेको खरले छाएको दुईतले घरमा आगलागी भएको प्रहरीले जनाएको छ ।

आगलागीबाट घरमा रहेको लत्ताकपडा, भाँडाकुँडा, अन्नपात पूर्णरुपमा क्षति भएको हो । शाहीको परिवार छिमेकीको शरण लिन बाध्य भएको बताइएको छ ।

चट्याङ लागेर महिलाको मृत्यु

तनहुँको भिमाद नगरपालिका–२ गरगरेमा मंगलबार राति परेको चट्याङबाट अर्की एक महिलाको पनि मृत्यु भएको छ । पछिल्लो पटक मृत्यु हुनेमा ५५ वर्षीय कमला तिमल्सेना रहेको जिल्ला प्रहरी कार्यालय तनहुँले जनाएको छ ।

तिमल्सेनाको घटनास्थलमै मृत्यु भएको हो । सोही दिन राति परेको चट्याङले लागेर भिमाद–२ अमबोटेकी चित्रकला नेपालीको पनि घटनास्थलमै मृत्यु भएको थियो । घरको गोठमा भैँसीको पाडो सार्ने क्रममा चट्याङ लागेर उनीसहित पाडोको पनि ज्यान गएको थियो ।







 

Nepal Braodcasting Channel
Panipokhari, Maharajgunj, Kathmandu, Nepal
सूचना तथा प्रशारण विभाग दर्ता नं. : ७१८ - २०७४ /०७५
सम्पादक : मुकुन्द दाहाल
Phone : 014446199
Fax : 4002655
Email : [email protected]