Nepa Top
century-bank

नेपाल र चीन सरकारद्वारा प्रधानमन्त्री केपी शर्मा ओलीको चीन भ्रमणको एकसाथ घोषणा

काठमाडौं । नेपाल र चीन सरकारले प्रधानमन्त्री केपी शर्मा ओलीको चीन भ्रमणको एकसाथ घोषणा गरेका छन् ।

परराष्ट्र मन्त्रालयले ओलीको चीन भ्रमणको औपचारिक मिति तय गर्दै भ्रमणको कार्यतालिका सार्वजनिक गर्दै गर्दा चीनको परराष्ट्र मन्त्रालयले समेत प्रधानमन्त्री ओलीको भ्रमणबारे पत्रकार सम्मेलन गरेर जानकारी गराएको छ । भ्रमणका क्रममा प्रधानमन्त्री ओलीले चीनियाँ राष्ट्रपति सी जिनपिङका साथै चिनियाँ समकक्षी ली खछ्याङ लगायतका नेतासँग भेटवार्ता गर्ने कार्यतालिका तय गरिएको छ ।

मन्त्रालयले भ्रमणको मिति तय गर्दा चिनियाँ परराष्ट्रमन्त्रालयका प्रवक्ता गेङ श्वाङले प्रधानमन्त्री ओलीले भ्रमणका क्रममा राष्ट्रपति, प्रधानमन्त्रीसहित शीर्षस्थ चिनियाँ नेतासँग भेटवार्ता गर्ने जानकारी दिएका छन् ।

चीनियाँ परराष्ट्र प्रवक्ता गेङ श्वाङले प्रधानमन्त्री ओलीको बेइजिङ यात्रा बेल्ट एण्ड रोड इनिसिएटिसको मार्गचित्रभित्र नेपाल–चीनबीचको गहन सहयोग, बलियो राजनीतिक सम्बन्ध, आर्थिक तथा व्यापारिक, पूर्वाधार, विपदपछिको पुनःनिर्माण तथा मानवीय सहयोगका साथै द्विपक्षीय सम्बन्ध विकासको नयाँ उचाइ निर्माणमा उपयोगी हुने विश्वास लिएको दावी गरेका थिए ।

भ्रमणले दुवै देशका नेताका लागि आगामी योजना तथा नयाँ अवस्था अनुरूप चीन–नेपाल सम्बन्ध विकासका लागि महत्वपूर्ण अवसर प्रदान गर्ने अपेक्षा गरिएको प्रवक्ता गेङको बुझाई छ । प्रधानमन्त्री ओलीले असार ५ देखि १० गतेसम्म चीनको भ्रमण गर्नु हुने तय भएको छ ।





Nepal Broadcasting Channel
Panipokhari, Maharajgunj, Kathmandu, Nepal
सूचना तथा प्रशारण विभाग दर्ता नं. : ७१८ - २०७४ /०७५
सम्पादक : मुकुन्द दाहाल
Phone : 014446199
Fax : 4002655
Email : [email protected]