century-bank

रबि भन्छन् – टन्न घुस खाएर राजनीति गर्नु भनेको शहिदको रगत पिउनु र मासु लुछ्नु जस्तै हो

  • रबि लामिछाने

विपी जयन्तको प्रसंगमा आज केही भनौँ । नेपाली राजनीतिका एक युग पुरुष आदरणीय विपी कोइरालालाई हरेक बर्ष झै आज पनि श्रद्वाञ्जली अपर्ण गरीयो । नेपाली कांग्रेस सम्बद्व राजनीतिज्ञ र सर्वसाधारणले मात्र होइन,अन्य दल र अन्य राजनितिक आस्था राख्ने समेतले आज विपीलाई सम्झिए ।


बर्षको यो एक दिन विपीको महिमा गाउन प्राय कसैले छुटाउँदैनन् । बिपी यस्ता थिए , बिपी उस्ता थिए, विपीले यसो गर्नुभयो , उसो गर्नुभयो ,यसो भन्नु हुन्थ्यो, उसो भन्नुहुन्थ्यो जस्ता अभिव्यक्तिले आज दिनभर चर्चा पायो र ठिक एक बर्षका लागि विपीलाई थान्को लगाइयो । विपीलाई साँच्चै आदर्श मान्नुहुने र विपी कोइरालालाई एक महान राजनीतिज्ञ मान्नु हुने नेता ज्युहरु, विपी कस्तो हुनु हुन्थ्यो भनेर भन्न छाडिदिनुस , तपाई कस्तो हुनुहुन्छ त्यो हेर्नुस ।विपीले के गर्नुभयो भनेर महिमा गाउन छाडीदिनुस, तपाई के गर्दै हुनुहुन्छ त्यो नियाली हेर्नुस ।

एक आदर्श राजनीतिज्ञको नाम र फोटो प्रयोग गरेर निम्न स्तरको राजनीति गर्नु भनेको एक निष्ठावान आत्मालाई मरेर गइसकेपछि पनि रुवाउनु हो । आज विपीलाई सम्झने सबै दलका नेताहरुले दिएको श्रद्वाञ्जली र श्रद्वाञ्जलीमा चढाईएको फुलले स्वर्गीय विपी कोइरालाई काँडा बनेर घोच्यो होला । उनको नाम र आदर्शको नाममा पैसा कमाउने राजनीति गर्नेहरुले श्रद्धान्जलीमा जति ठुलो माला चढाएपनि त्यसको कुनै महत्व हुने छैन । आफ्नो जीवनमा विपीको सिद्वान्त,मुल्य,मान्यता र आदर्शलाई लागु गर्न नसक्नेले विपीलाई श्रद्वाञ्जली दिएको सुहाएको छैन । बरु निष्ठा र आदर्शको राजनीति गर्ने औलामा गन्न सकिनेहरुले विपी,पुष्पलाल र विर शहीदहरुलाई जीवीत पारेका छन् । टन्न घुस खाएर राजनीति गर्नु भनेको शहिदको रगत पिउनु र मासु लुछ्नु जस्तै हो ।

Advertisements
Nepal Braodcasting Channel
Panipokhari, Maharajung, Kathmandu, Nepal
Phone : 014446119
Fax : 4002655
Email : [email protected]